कार्तिक—२०७५, आवाज अनलाइन । नीलम रोजु राई गायिका तथा संगीतकार नीलम रोजु राईको कति सुहायो” बोलको गीत सार्वजनिक भएको छ ।
आफ्नै शब्द संगीत रहेको गीतमा नीलम संगै सुरेश लामाको स्वर समाबेश गरिएको छ । बिशेषगरि मौलिक शब्द रचना र संगीतमा रमाउदै आएकी नीलमको लोकआधुनिक शैलीको यो गीतमा दक्षकुमार राई, कला राई र पवन पाठकले अभिनय गरेका छन् ।
पुराना कोरियोग्राफर कमल राईले निर्देशन गरेको भिडियोलाई युवराज राईले खिचेका हुन् । भिडियोमा तीन मुख्य कलाकारसंगै गायक सुरेश लामा र गायिका नीलम रोजुलाई पनि आर्कषक तवरबाट प्रस्तुत गरिएको छ ।
झण्डै आधा दशकदेखी नेपाली गीतसंगीत क्षेत्रमा आफुलाई अब्बल सावित गरिसकेकी नीलमका चौबन्धी चोली, यो मनमा सायद लगायतका गीतहरु दर्शक श्रोताले धेरै रुचाएका थिए । उसो त नीलमले आफुलाई गायिकाका रुपमा भन्दा पनि महिला संगीतकारका रुपमा आफुलाई स्थापित गरिसकेकी छिन् ।