२०७५–असोज, काठमाडौं । चर्चित मोडेल एलिसा राइ अभिनित नया म्युजिक भिडियो सार्वजनिक भएको छ ।
नव गायिका शर्मिला राइको स्वरमा रहेको आँखामा गाजल बोलको गीतमा एलिसालाइ आकाश राइले साथ दिएका छन । भिडियोमा एलिसा र आकाससंगै कोरष डान्सरलाई पनि भरपुर प्रयोग गरिएको छ ।
युवा गीतकार डी पी खनालको शब्द र शंकर थापा स्माइलको संगीत तथा उदयराज पौडेलको संगीत संयोजन रहेको रोमाञ्टिक लोकआधुनिक गीत मायाप्रेमको भाव बोल्छ ।
धेरै समयपछि पुन भिडियो निर्देशनमा फर्किएका गायक विजय रुम्बाले निर्देशन गरेको म्युजिक भिडियोमा ज्ञानेन्द्र शर्माको सिनेमाटोग्राफी र शिलन लम्सालको सम्पादन रहेको छ। भिडियोमा गीतको मर्मअनुसारनै बिशेष गरी किशोर अवस्थामा रहेकी युवतीले आफ्नो मनमा लागेका भावनालाई सम्झिएर गरिएको प्रस्तुति देखाइएको निर्देशक रुम्बाले जनाए ।